O xermen deste blog radica na necesidade de achegar ós alumnos novas posibilidades de aprendizaxe. Neste sentido, cobran unha gran importancia as Tecnoloxías da Comunicación (TIC´s), representadas mediante o programa de Google Earth. A utilización deste programa radica en que posúe unha gran cantidade de recursos e en que é gratuíto.
Por outra parte, os grandes protagonistas deste blog serán os alumnos, que participarán de maneira activa no tempo que dure esta experiencia innovadora.
Este vídeo trata acerca da evolución histórica de Exipto dende a fundación do Imperio de Sumer, ata a conquista grega. Ademais, comenta as diferentes sociedades, actividades económicas, dende as de recolección e caza, propias de sociedades nómadas, ata as agrícolas e gandeiras, por exemplo, que están presentes nas sociedades sedentarias. Por outra parte, trata outros temas de interese, como o arte, basado fundamentalmente nos coñecidos zigurats.
O Código de Hammurabi, creado no ano 1760 a.C, é o primeiro exemplo de leis que se atoparon, e un dos exemplares mellor conservados. O contido e fundamentos do mesmo poden atoparse no seguinte vídeo.
Este vídeo relata a evolución histórica de Exipto en todos os seus ámbitos (sociedade, economía ou arte, entre outros), dende a fundación no 3100 a.C polo rei Menes.
A morte é un elemento fundamental na relixión, que estaba moi presente na civilización exipcia. Por este motivo, polo medo ao que pasaría tras a morte, os habitantes do Antigo Exipto utilizaban un manuscrito, chamado "O Libro dos Mortos", para protexer a súa alma no tránsito cara a outra vida, etapa durante a cal se momificaban os corpos para conservalos no seu estado orixinal.
